وحده بوحده وما حد خير من حد...

السلام عليكــم ورحمـة الله...
هذي القصيده من احسن القصائد اللي سمعتها في حياتي بالليبي...
وحده بوحده وما حد خير من حد....وحده بوحده..اللي ديره عليك ايرد.
كلمه زمااااااااان انقالت...الناس عارفه معناها..
الايام مهما طالت...اللي ديرها تلقاها...

كي ما غلطت غلطت...تعبتني وتعبت...
سلفت يوم السبت رد السلف لاحد...ما حد خير من حد.
يقولو العين بالعين....واللي بدا هو الجاني....
نسالك زماااان الدين...ويشهد عليك حناني..
تذكر...؟
تذكر خداعك لي وين كنت غافل عنك؟
وزيفك زمان علي..في قولتك مش منك...مافي مافي ما عتبتك..
خذيت القرار انسيتك...
كي ما حروف كتبتك...
بيدي اليوم محيتك..
وكي ما عليا اغليت..
وغيري..
عليك اغلي....انك اليوم القيت...غيرك معاي زهي..
مش قتلك من الاول؟
مهما الزمان يطول....سيور الزها يتحول..
لدموع فوق الخد...
وما حد خير من حد..
لا تقولي ظالمني...
لا تقولي ظالمني...ولا عمري نهار ظلمت..
ما انت اللي معلمني...وجاك رد ما علمت..
مدام في بالك خطر..
تهجر...
بعد طاوعتك..ونا كنت لك ليل وسهر؟
لا سهيت لا وجعتك....
يبقي القرار انهونك...
وقبل القرار انريدك...قول بند في قانونك...
يخليك تظلم ريدك...
وخوذ المكان بدالي...واحكم ونا نسمعلك...
لو يوم خانك غالي....غار ويش ردت فعلك؟
اكيد ايكون ...كل الغرام يهون...ونا جيت للمضمون....وكيفك انسيت الود..
وحده بوحده وما حد خير من حد...
سلفت يوم السبت...رد السلف لاحد..


الحقوق محفوظه للمغني والشاعر:
فوزي الصغيرونه.

تحياتي..